पाल्पाको तानसेनमा छायांकन गरिएको ‘तिम्रो यादमा दिलमा हुनेभयो’ गीत दर्शकमाझ

प्रेम, विछोड र सम्झनाको भाव समेटिएको नयाँ नेपाली गीत ‘तिम्रो यादमा दिलमा हुनेभयो’ सार्वजनिक भएको छ। गीतमा महादेव पाठक, रमेश गौतम, सनु गौतम र नरेश रसाइलीको शब्द सिर्जना रहेको छ भने महादेव पाठक र सरिता बुढाथोकीको स्वर सुन्न सकिन्छ।

गीतमा खुमन बिसीको लय र रामु बिरहीको एरेन्ज रहेको छ। साथीभाइ म्युजिक प्रा.लि.मा रेकर्ड गरिएको यस गीतको भिडियो सुमन थापाको निर्देशनमा तयार पारिएको हो।

म्युजिक भिडियोमा रबिन गोतामे, चन्द्रकला तामाङ, दिलमाया तामाङ र देव बिसीको अभिनय रहेको छ। सन्तोष बस्यालको छायांकन तथा सुनिल रिजालको सम्पादन र कलर संयोजनले भिडियोलाई आकर्षक बनाएको छ। पाल्पाको ऐतिहासिक तथा प्राकृतिक सौन्दर्यले भरिपूर्ण तानसेनमा छायांकन गरिएको यो गीतले दृश्य र संगीत दुवै पक्षबाट दर्शकको मन जित्ने अपेक्षा गरिएको छ।